Cartref Cymuned
Croeso i Hebron
Cartref Cymuned yn Nrefach.
Rydym wrth ein bodd i gyhoeddi agoriad peilot Canolfan Gymunedol Hebron ym mis Medi, gyda'r agoriad swyddogol i ddilyn. Mae’r datblygiad hirddisgwyliedig hwn yn nodi pennod newydd ac uchelgeisiol yn hanes ein heglwys a’n cymuned. Nid adeilad yn unig yw Hebron – ond man cyfarfod i rannu cyfeillgarwch, perthyn, a grymuso’r gymuned.
Mae Hebron wedi bod yn fan addoli ers cenedlaethau, ac erbyn hyn mae’n camu ymlaen i gyflawni rôl newydd – fel canolfan fodern a chynhwysol ar gyfer pobl o bob oed. Boed eich bod yn chwilio am le cynnes i gyfarfod â ffrindiau, i gael sgyrsiau ystyrlon, i fanteisio ar gymorth neu i fwynhau paned dda – mae Hebron yma i chi.
Mae’r adnewyddiad wedi trawsnewid y festri’n ofod amlbwrpas bywiog, yn cynnwys:
Neuadd fawr ar gyfer cyfarfodydd, gweithdai ac achlysuron
Ardal gaffi fach, yn cynnig lluniaeth fforddiadwy a lle i gysylltu
Cegin lawn offer, ar gyfer prosiectau coginio cymunedol a phrydau ar y cyd
Llawr uchaf (mesanin) gyda soffa, teledu QLED a sgrin bresennol – yn ddelfrydol ar gyfer grwpiau ieuenctid, clwbiau cymdeithasol a nosweithiau ffilm
Mae Hebron yn cynnig gweithgareddau croesawgar i bawb – o’r lleiaf i’r hynaf. Ein gweledigaeth yw dod â phobl ynghyd, lleihau unigrwydd a chynnig cyfleoedd ystyrlon sy’n cefnogi lles personol a chymunedol.
Diolch i gyllid caredig gan y Llywodraeth, Chyngor Sir Caerfyrddin, Ymddiredolaeth Pantyfedsen ac Apêl Hebron rydym wedi gallu creu man sy’n hyrwyddo’r Gymraeg, dathlu hunaniaeth leol, ac annog cynhwysiant cymdeithasol. Mae ein Swyddog Ieuenctid a Chymunedol a thîm o wirfoddolwyr eisoes yn cynllunio rhaglenni i blant, pobl ifanc a theuluoedd. Mae’r rhain yn cynnwys y celfyddydau creadigol, dysgu ysbrydol, datblygiad digidol a llawer mwy.
Rydym hefyd yn cynnig llety i’w logi am gyfraddau fforddiadwy – yn ddelfrydol ar gyfer partïon pen-blwydd, dosbarthiadau, clwbiau, grwpiau cymorth a digwyddiadau corfforaethol. Mae’r neuadd, y gegin a’r mesanin wedi’u cynllunio i fod yn hyblyg a chynnes.
Mae ein heglwys yn parhau i arwain yn ysbrydol, ond mae Hebron yn lle i bawb – beth bynnag fo’u cred. Ein nod yw cryfhau’r bont rhwng ffydd a chymuned – man lle mae ysbrydolrwydd, gwasanaeth a gweithredu cymdeithasol yn cyd-gerdded.
Wrth inni baratoi ar gyfer yr agoriad swyddogol ym mis Medi, rydym yn eich gwahodd i ddod i mewn, archwilio’r cyfleusterau, rhannu eich syniadau a helpu i lunio dyfodol Hebron. Dewch i adeiladu gobaith, newid bywydau a thyfu cyfeillgarwch gyda’n gilydd.
Croeso i Hebron, Cartref Cymuned.