Y Porth
Mynediad i ddeffroad ysbrydol.
Ffordd o fyw a byw i ddysgu.
Y Porth yw rhaglen Capel Seion ar gyfer cynllun Arloesi a Buddsoddi Undeb yr Annibynwyr Cymraeg 2020.
Cenhadaeth Y Porth
Ein cenhadaeth yw ddyfnhau ein perthnas â Duw a'n gilydd, tyfu mewn cariad a gwybodaeth am Dduw a dysgu'r ffordd orau i gefnogi ein gilydd yn yr eglwys.
Gweledigaeth Y Porth
I helpu plant, ieuenctid ac oedolion i fyw bywyd yn ei holl gyflawnder.
Mae’r Porth yn gynllun gwbl arloesol sy’n ymateb i gais Undeb yr Annibynwyr Cymraeg i’w aelodau datblygu rhaglen sy’n hyrwyddo’r Efengyl a gwasanaethu eu cymunedau.
Rhennir cynllun y Porth i ddwy brif adran sef, y Ffordd o Fyw neu weithgareddau er mwyn gwasanaethu’r gymuned a Byw i Ddysgu sef ffyrdd arloesol o hyrwyddo a chyhoeddi’r Efengyl, cyrsiau a hyfforddiant. Mae’r ddwy adran wedi eu rhannu i dri phrif faes yr un a phob maes wedi eu rhannu i feysydd trafod. Daw’r pynciau ar gyfer meysydd trafod i’r wyneb drwy holi ac asesu anghenion ein haelodau. Bydd nifer o eitemau yn codi o’r meysydd trafod ac fe fydd y tîm golygyddol yn paratoi deunydd ar ffurf erthyglau, podlediadau, lluniau a blogiau ar eu cyfer.
Er mwyn ein helpu i weld newid yn ein cymuned leol, mae canlyniadau ein cyfnod o holi yn cynnwys paratoi cyrsiau i helpu gyda chymorth priodas, iselder ysbryd, profedigaeth, buddsoddi yn natblygiad arweinwyr a gweithio gyda mudiadau gwirfoddol ac elusennau lleol. Mae’n haelodau yn cymryd rhan trwy gynnig eu sgiliau, eu hamser, eu rhoddion a'u gweddïau i gefnogi popeth yr ydym yn ei wneud i gyrraedd ein gweledigaeth.
Mwy am Y Porth
Hoffech chi wybod mwy am gynllun Y Porth? Pwyswch ar y botwm am y Ffordd o fyw a Byw i Ddysgu.
Y Porth a Menter Ieuenctid Cristnogol, MIC Sir Gâr.
Gwneud beth? I bwy? Ym mhle? Paham?
Sut ma’ cadw Crist yn y canol a pham poeni am wneud gwahaniaeth? Mae eglwys Capel Seion/Y Porth a Menter Ieuenctid Cristnogol Sir Gâr, MIC wedi creu perthynas newydd ac yn chwilio am Gristion ifanc brwdfrydig. Bydd yr ymgeisydd llwyddiannus yn gweithio fel swydd ieuenctid gydag eglwys annibynnol Capel Seion, Drefach i hyrwyddo’r eglwys drwy ffyrdd arloesol a gwasanaethu’r gymuned am 12 awr yr wythnos. Hefyd bydd cyfle arbennig i weithio gyda phlant a phobl ifanc ar draws y sir gyda MIC am dri diwrnod yr wythnos.
Beth amdani!?
Cliciwch ar y llun am fwy o wybodaeth ar pdf.
Cliciwch yma am e-gopi.
Diolch.
Hoffwn ddiolch i Undeb yr Annibynwyr Cymraeg am ymddiried ynom fel eglwys i gydweithio ar brosiect arloesol i hyrwyddo a chyhoeddi’r Efengyl ac estyn allan a gwasanaethu’r gymuned. Bum yn llwyddiannus yn ein cais i ariannu swyddog am ddau ddiwrnod yr wythnos am bum mlynedd i redeg prosiect y Porth ac edrychwn ymlaen at weithio mewn partneriaeth â’r Undeb a phartneriaid eraill yn y dyfodol agos. Mae aelodaeth i’r Porth yn ein caniatáu i bori drwy’r safle i gael gwell amcan o beth yw’r prosiect. Bydd y Porth y tyfu o wythnos i wythnos wrth i ni baratoi deunydd sy’n berthnasol i’r isadrannau ac yn esblygu’n naturiol wrth i’r blynyddoedd fynd rhagddi.