Ionawr.
WYTHNOS 3
17fed- 22eg
Cyfnod Cofid.
Oedfaon, Yr Ysgol Sul a Hebron.
Er bod yr haint yn gwella a’r niferoedd sy’n diddef yn gostwng ni fydd gwasanaeth yn y capel nag ysgol sul a gweithgareddau yn Hebron tan i ni eich hysbysu’n wahanol ar ddiwedd y mis.
Felly cadwch at y cyfarwyddiadau sydd ar ein gwefan yn enwedig pan byddwn yn ail gydio yn ein gwasanaethau yn y capel, y festri a Hebron.
____________________________________________________
Banc Bwyd
Byddwn yn dal i gasglu at y Banc Bwyd gan fod gymaint o deuluoedd mewn tlodi.
Bydd plant ac oedolion yn gallu gadael eu cyfraniadau o fwyd yng nghyntedd y capel ar fore Sul.
Bydd modd hefyd i gyfrannu yn ystod y boreau coffi yn Hebron bob pythefnos.
Mae sawl trip wedi cludo bocsis a bagiau llawn bwyd i’r Banc Bwyd a mawr oedd diolch y trefnwyr am haelioni aelodau a ffrindiau Capel Seion.
Diolch am eich haelioni cyson ar hyd y blynyddoedd.
-
Annwyl Ffrindiau’r Bancbwyd,
Hoffwn ddechrau trwy ddiolch i chi am eich cefnogaeth ryfeddol wrth i ni ddod at y Nadolig. Roedd y sesiynau cyn y Nadolig y rhai mwyaf prysur erioed gyda’r rhif enfawr o 535 o bobl yn derbyn cefnogaeth yn ystod eu hargyfwng ariannol ym mis Rhagfyr. Ni fyddem wedi gallu cynnig hyn heblaw am eich cefnogaeth hael - diolch o galon. Wrth i ni ddechrau ar 2022 fe wynebwn y ffaith y bydd y galw am ein gwasanaethau yn cynyddu yn ystod y flwyddyn. Gwyddom hefyd, oherwydd eich cefnogaeth sicr, y gallwn gwrdd â’r gofyn a fydd yn digwydd.
Fel y soniwyd yn ein llythyr newyddion blaenorol rydym yn parhau i ddatblygu ein dulliau o estyn arweiniad a chymorth, gan weithio gyda’n clientiaid y tu hwnt i’w hangen am fwyd er mwyn ceisio atal achos eu problemau yn y tymor hir. Mae’n galonogol gweld canran uchel o’n cleientiaid yn manteisio ar gymorth megis cynllunio cyllideb, cymorth ar gyfer biliau gwasanaethau cyhoeddus, cymorth iechyd meddwl a chymorth adeg profedigaeth. Rydym yn ddiolchgar hefyd bod gennym gynghorwyr yn y Bancbwyd ar gael i siarad yn uniongyrchol gyda clientiaid fel mae canllawiau Covid yn caniatáu. Yr ychwanegiad diweddaraf i’r gwsanaeth hwn yw’r Samariaid. Rydym yn ddiolchgar am yr amser a roddir i’n clientiaid, gan gynnig clust i wrando heb farnu wrth rannu eu beichiau. Gwelwn yn barod y dylanwad cadarnhaol a gaiff y fath wasanaeth ar ein cleientiaid.
Diolch unwaith eto am eich cefnogaeth barhaus mewn gair o anogaeth, gweddi a chyfraniadau, mae’r cyfan a wnawn yn bosibl dim ond oherwydd eich partneriaeth gyda ni. Gyda’n gilydd gallwn wneud gwahaniaeth. Pe byddech am wybod y diweddaraf am ein hanghenion, yna ewch i’n cyfryngau cymdeithasol (Facebook ac Instagram) neu ein gwefan - ammanford.foodbank.org.uk
Pob bendith,
Mydrim a Thîm y Bancbwyd
____________________________________________________
Bore Coffi
Ni fydd Bore Coffi yn Hebron tan fydd yr awdurdodau yn caniatáu i ni ymgynnull.
Gan amlaf byddwn yn cynnal bore coffi yn Hebron bob pythefnos ar fore dydd Mercher rhwng 9.30 a 11.00yb. ( Cofiwch bod wythnos y bagiau sbwriel du )
Byddwn yn casglu at y Banc Bwyd yn ystod y boreon coffi.
____________________________________________________
Cyfraniadau
Hoffwn eich atgoffa y byddwn yn cau llyfrau cyfraniadau Capel Seion yng nghynt eleni ac erfyniwn arnoch i gysylltu â’ch arweinydd dosbarth.
Byddwn yn ddiolchgar petai bawb yn cyflwyno ei rhoddion cyn gynted â phosibl i’w arweinydd dosbarth.
Nodyn i bob arweinydd dosbarth.
Hatgoffa pob aelod o’i hymrwymiad fel aelod i gyfrannu.
Cwblhau’r casglu erbyn dydd Llun 17eg Ionawr 2022.
