Ein dyfodol ar-lein.

Canlyniad yr holiadur ar ddylanwad y myfyrdodau ar-lein i aelodau a ffrindiau Capel Seion.

Roedd canlyniad yr holiadur yn bositif iawn wrth i bob aelod a atebodd ddatgan ei bod wedi mwynhau’r myfyrdodau a’r modd y’u cyfathrebwyd ac iddynt gael dylanwad positif ar ei bywydau.

Ceisiaf gasglu ynghyd yr ymatebion fel â ganlyn.

Mae’r myfyrdodau yn ‘bendant wedi llwyddo fel estyniad o’r eglwys i’n cartrefi ac wedi cadw’r aelodau mewn cysylltiad â’r eglwys. Mae cael y cyfle i addoli ar yr un adeg, gyda’n gilydd yn rhoi’r ymdeimlad o agosatrwydd, ac o glosio a’n cadw yn un gynulleidfa yn Nuw. Mae’r cyfnod dan glo wedi datgeli’r angen a’r awydd i ddal i addoli a hynny gyda phobl rydym yn ei adnabod ac mae cael egwyl i aros a chofio am eraill a chydymdeimlo mor werthfawr i’r galarus a llesol i’r gweddiwyr.

Mae gweddïau o hyd yn bwysig wrth gwrs ac mae parhau i allu clywed gweddi daer ac amserol ar y cyd yn gwneud ystyr o gariad Duw ar amser mor ddyrys. Mae yna deimlad ‘o berthyn’ wrth wybod bod aelodau eraill yn bresennol er ein bod dim yn gallu ei gweld, ar wahân i addoliad ar Zoom. Mae’n amlwg bod tawelwch y cartref a’r ffaith ei fod yn bosibl rheoli’r gwrandawiad yn gymorth mawr, yn enwedig i rai sy’n ffeindio hi’n anodd mynychu oedfa arferol. Bydd yn bosibl i rheini sydd yn methu mynychu oedfa barhau i wrando ar-lein pan fydd y cyfnod dan glo yn codi.

Mae cyd addoli ar-lein yn atgyfnerthu ffydd wrth i ni bellhau o’r adeilad ar y Sul ac mae’r myfyrdodau yn ein cadw’n agos ac mae cael ein hatgoffa o bobl lai ffodus yn rheoli’r ffocws a’n gwneud yn fwy diolchgar o’r hyn sydd gennym.
Mae’r cyfnod wedi ’n gwneud yn fwy hyderus i geisio ar fywyd mwy technolegol a chyrraedd fwy o bobl nad erioed o’r blaen, tua phum waith mwy yn aml. Mae’r dechnoleg yn rhoi cyfle i ni gyfathrebu a’r ieuenctid mewn ffordd sy’n ei chyrraedd a’i cadw mewn cysylltiad yn y cyfnod lle mae’n naturiol iddynt lithro. Mae’r cyfrwng wedi datgeli’r posibiliadau mawr sydd i’r Ysgol Sul fanteisio ar y dechnoleg mewn mwy nad un ffordd.

Yn y gorffennol roedd yn amhosibl, heb recordio, gael gwrando ar fyfyrdod fwy nag unwaith ar y Sul. Erbyn hy galwn wrando ar fyfyrdod sawl gwaith yr wythnos a’i gwrando ar amseroedd sydd mwy cyfleus i ni. Yn wir mae gwrando ar y myfyrdod eilwaith yn fodd i glywed rhywbeth newydd neu ystyried rhywbeth mewn ffordd wahanol. Mae’n bosibl hefyd i ddanfon cyfeiriad y linciau at berthnasau, ffrindiau ac aelodau o’r teulu oddi cartref, er mwyn ymestyn teyrnas Duw yn ôl ein cenhadaeth.

Cawsom ymateb bod natur y myfyrdodau wedi bod yn bositif a phwrpasol ac yn fodd i hogi ein ffydd gan iddynt ein hatgoffa o rinweddau’r Gair. Mae’n fodd i ni ddal i fyw ein bywydau ysbrydol ac i fynegi cariad Duw at ein gilydd ac eraill. Cawsom ddisgrifiadau fel ‘teimlad o berthyn’, ‘gobaith newydd’, ‘siarad yn uniongyrchol â mi’, ’agosatrwydd gwahanol ar-lein’ ac ‘atgyfnerthu fy ffydd” sy’n galonogol iawn wrth ystyried ei fod yn gyfrwng gymharol newydd i ni.

Mae dod i’r capel a chael amser i eistedd a gwrando ar gerddoriaeth yr organ yn ein paratoi ar glywed y Gair. Dyw hyn ddim yn digwydd gartref oni bai bod cerddoriaeth yn rhan o’r myfyrdod yn y dyfodol. Dyw troi’r myfyrdod arno ddim yn ddigon gan fod rhaid bod yn y ‘lle iawn’ i dderbyn yr ysbryd glan yn ein myfyrdod. Mae hyn i fyny i ni baratoi ein hun gartref.

Cloi:

1. Mae presenoliaeth yr Arglwydd trwy’r cyfrwng yn gaffaeliad ac yn fodd i ni ystyried ei barhau wedi Cofid mynd heibio. Cynnal ein ffydd yw beth mae’r gwasanaethau yn ei wneud. Fe fydd angen gweithgaredd sy’n unol a’n cenhadaeth i adeiladu’n fydd a chryfhau agweddau o’n fydd sydd angen atgyfnerthu.

2. Mae’n amlwg o gymharu â’n cenhadaeth, rhan ohono yw cyfraniad ein gwasanaethau ar-lein. Bydd yr Arglwydd yn gofalu am ei Eglwys, nyni sydd â chyfrifoldeb dros ei bobl Ef. Os mai adeiladu capasiti’r unigolyn i fyw bywyd yn ei holl gyflawnder yw ein nod mae’n amlwg bod lle i’r eglwys draddodiadol a’i phwyslais ar weithgaredd dyngarol mor bwysig heddiw nag erioed.