Croeso i Gapel Seion

Eglwys fyw yng nghalon Drefach sy’n croesawi pawb.

FFYDD **‍ ‍CYMUNED‍ ‍ DYFODOL

YMUNWCH Â NI

BETH SY' MLAEN

Oedfan

Addoli gyda’n gilydd

Darllen Mwy >

Hebron

Cartref Cymuned

Darllen Mwy >

Plant a Phobl Ifanc

Dysgu, creu a pherthyn

Darllen Mwy >

Beth Sydd Malen

Digwyddiadau

Darllen Mwy >

CAPEL SEION & HEBRON

Yn sefyll yn gadarn ers dros 300 mlynedd, mae Capel Seion wedi bod yn ganolbwynt ysbrydol, cymdeithasol a diwylliannol i’r gymuned leol. Wedi’i adeiladu ar sylfeini crefyddol cryf ac arweinyddiaeth ysbrydoledig, mae’r capel wedi goroesi newidiadau cymdeithasol mawr, gan addasu’n gyson i anghenion yr oes. Heddiw, gyda gweledigaeth glir ar gyfer y dyfodol, mae Capel Seion yn ehangu ei gyrhaeddiad trwy brosiectau fel Hebron – ein Cartref Cymuned – ac yn paratoi i groesawu gweinidog newydd a chydweithio ag eglwysi cyfagos. Ein nod yw sicrhau bod y capel yn parhau i fod yn ganolfan ffydd, gobaith a gweithredu, lle mae pobl yn teimlo’n gartrefol, yn cael eu hannog, ac yn cael eu harwain mewn cariad Cristnogol.

Ffydd a Pherthynas

Capel Seion a Hebron: canolfan ysbrydol a chymunedol ar y cyd, wedi’i gwreiddio mewn ffydd, yn agored i bawb, ac wedi’i hymrwymo i feithrin bywyd, perthyn, a gobaith ar gyfer y dyfodol.

“Beth bynnag ydyw, bydd adnabod Iesu yn gwneud y byd o wahaniaeth.”

Y Parchedig Guto Llywelyn

Hanfodion

HEBRON

Adran Gymunedol Eglwys Capel Seion

Darganfod mwy >

Pobl Ifanc

Adran Arloesol Y Porth

Darganfod mwy >

Tymhorau Tŵf

 Y Clwb Plant

Darganfod mwy >

Ydy chi’n chwilio am gymorth?

Cartref Cymuned

Mae gan Iesu yr ateb perffaith i chi.

Capel Seion

Cartref Ysbrydol

Y Capel a Christ yn y Canol

Ein canoli gan Grist a’n symud gan yr Ysbryd.

Croeso i eglwys sy’n credu nad rhywbeth yr ydym yn ymgynnull i’w ddathlu ar y Sul yn unig yw ffydd, ond presenoldeb byw, anadlol yn ein bywydau beunyddiol ac yn ein cymuned. Wrth galon ein gweledigaeth mae ffordd newydd o feddwl—lle mae addoliad a gwasanaeth yn mynd law yn llaw, a lle nad yw’r muriau rhwng eglwys a chymuned bellach yn rhwystrau ond yn bontydd. Rydym wedi ymrwymo i fod yn fan lle mae gobaith yn cael ei rannu, anghenion yn cael eu clywed, a phawb yn teimlo eu bod yn cael eu gweld, eu gwerthfawrogi a’u caru.

Daw’r weledigaeth hon yn fyw yn Hebron, ein Hyb Cymunedol sydd newydd ei ailddatblygu – lle cynnes, croesawgar i bob oed a chefndir. Nid adeilad yn unig yw Hebron; mae’n addewid i weithio’n agos â phobl ein pentref a thu hwnt.

Hebron a’r Ffordd o Fyw

Yn gwneuthur daioni na ddiogwn.a

P’un a ydych chi’n chwilio am sgwrs dawel dros goffi, lle i ddysgu, creu, neu gysylltu, neu ymdeimlad o berthyn yn unig, mae Hebron yma i chi. Gyda'n gilydd, rydyn ni'n creu rhythm newydd o fywyd cymunedol - wedi'i wreiddio mewn ffydd, wedi'i bweru gan gariad, ac yn agored i bawb.

Trwy gydweithio rhwng yr eglwys a sefydliadau lleol, mae Hebron wedi dod yn fan canolog ar gyfer lles cymunedol, gan bontio’r bwlch rhwng ysbrydolrwydd a chymdeithas. Mae’r Cartref Cymuned hwn yn dyst i weledigaeth gref ein haelodau a thrigolion Drefach a’r cylch, sy’n deall bod yr eglwys yn ganolbwynt ysbrydol. Mae pobl yn cylchdroi o’i hamgylch ar wahanol bellteroedd – gyda rhai’n glanio’n agosach, a rhai’n dychwelyd dros amser. Mae Hebron yn wahoddiad agored i bawb ddod at ei gilydd, rhannu, dysgu a thyfu gyda Iesu.

Yr Egwys Fyw.

Elusennau.

‘…chi roddodd fwyd i mi pan oeddwn i'n llwgu; chi roddodd ddiod i mi pan oedd syched arna i; chi roddodd groeso i mi pan doeddwn i ddim yn nabod neb; chi roddodd ddillad i mi pan oeddwn i'n noeth; chi ofalodd amdana i pan oeddwn i'n sâl; chi ddaeth i ymweld â mi pan oeddwn i yn y carchar.’ Mathew 25: 35-36

Cymorth Banc Bwyd.

Y Llusern, Wind Street, Rhydaman. SA18 3DR
Cyfranwyd 0.5 tunnell yn 2022. Cyfranwyd 0.25 tunnell yn 2023 a 0.25 tunell yn 2024. Cyfranwyd 0.25 tunnell yn 25/26
Cymorth Canser Mcmillan

https://www.macmillan.org.uk
Cyfranwyd £1,033 yn ystod 2022. Cyfranwyd £627.00 yn 2023. Cyfranwyd £510.00 yn 25/26
Apêl Wcráin.

75 Heol Ddŵr, Caerfyrddin. SA31 1PZ
Mae Cymorth Cristnogol yn cynnig cymorth i ffoaduriaid o Wcráin. Cyfranwyd £2,100 yn ystod 2022.
Apêl Teganau

Cyngor Sir Gaerfyrddin
Cymorth i Apêl Teganau Sir Gâr. Cyfraniadau gani arddangosfa Gŵyl y Preseb. Casglwyd £750.00 at yr apêl. Bocsys Nadolig: £366.00 yn 2025
Cymorth Cristnogol.

christianaid.org.uk
Cyfraniadau aelodau a ffrindiau i achosion Cristnogol ar draws y byd. Cyfranwd £200.00 yn ystod 2022 Cyfranwyd £230.00 yn 25/26
Apêl Twrci

https://www.christianaid.org.uk
Trachineb difrifol yn Nghwrci wedi dwyn dros 50,000 mil o fywydau a miloedd yn ddigartref yn 2023. Cyfranwyd £842.00.
Banc Bwyd

258.5 cilogram o fwyd. sy’n gyfaartal i 19 parsel o fwyd. i helpu teulu o dri am bron i ddau fis, neu gynorthwyo 19 teulu gwahanol am 3 diwrnod drwy gyfnod anodd.

Yr Ysgol Sul

Bob dydd Sul mae antur newydd yn ein Hysgol Sul – lle llawn gwênau, straeon, caneuon a syrpreisys! Yma, mae plant o bob oed yn cael eu gwahodd i ddarganfod cariad Duw tuag atyn nhw, tyfu yn eu ffydd, a meithrin cyfeillgarwch parhaol. Trwy weithgareddau hwyliog, crefftau creadigol a straeon y Beibl sy’n ysbrydoli, rydym yn dangos i bob plentyn pa mor arbennig ydynt yng ngolwg Duw. Mae’n le diogel, llawen lle gall calon ifanc ddisgleirio, gofyn cwestiynau, a chael eu hannog bob cam o’r ffordd. Dewch i ymuno – nid yw ffydd erioed wedi bod mor gyffrous!j

Mae Iesu yn ffrind i bob plentyn.

O Arloesi i Fuddsoddi.

Ffordd o fyw a byw i ddysgu.

Ni’n camu ymlaen yn hyderus o gynllun gwreiddiol Undeb yr Annibynwyr Cymraeg, sef Arloesi a Buddsoddi i gynllun newydd, - Cefnogi Cyfle. Felly, rydym yn symud o prosiect arloesol y Porth roedd wedi’i aneli at pobl ifanc rhwng 9 a 35mlwyd oed i brosiect newydd a pharhàd naturiol. Rydym nawr yn adeiladu ar ganlyniadau gwerthfawr y cyfnod cychwynol. Mae Tymhorau Tŵf yn brosiect twf tair blynedd sy’n buddsoddi mewn i gryfhau cysylltiad yr eglwys â’i chymuned.